Pompsters | |
---|---|
Noam | Pompsters |
Andere noamen | Kölmerpompsters |
Nederlaandse noam | Kollumerpompsters |
Proat ien | Nederlaand |
Toalgebied | t loug Kölmerpomp |
Aantel sprekers | 200 |
Dialekten | gain |
Toalklassifikoatsie | |
Schrift | Latijnse alfabet |
Toalstoates | t Pompsters wordt zien as dialekt van t zowel t Grunnegs as t Fries |
Toalkode ISO 639-1 | n.v.t. |
Toalkode ISO 639-2 | n.v.t. |
Toalkode ISO 639-3/DIS | n.v.t. |
t Pompsters is n Nedersaksisch dialekt dat proat wordt ien t loug De Pomp (Kölmerpomp), ien t midden van t Friese gemeente Kölmerlann. Der wordt vanuut goan dat t aantal dij dit dialekt nog proat om en bie de 200 minsken komt, dij t meest tot de ollern heuren. t Sprekerstal nemt dan ook of.
t Pompsters is n overgangsvörm tuzzen t Woldfries, dat ien t westen van Kölmerlann proat wordt, en t Westerkertiers, n Saksisch dialekt dat ien drij lougen ien oosteliek Kölmerlann en ien t aangrinzende part van Grunnen proat wordt. Zo het t Pompsters de Friese "g" [kh] beholden, in tieds dat man ien de naberske lougen Warfstermeul, Muntjeziel en Boerum de "g" op zien Grunnegs uutsprekt. Doch het t Pompsters meer gemeen mit t Nedersaksisch as mit t Fries en wordt doarom tot de Nedersaksische dialekten (Grunnegs) rekend.
Deurdat de overgong tuzzen t Westerkertiers en t Woldfries hiel stug velopt, wordt der vanuut goan dat t toalgebied van t Pompsters vrogger veul groter west was. t Is noameliek t enige overgongsdialekt tuzzen t Fries en t Grunnegs.
![]() |
Dit artikel is skreaven in et grönninger dialekt van De Pomp. |
© MMXXIII Rich X Search. We shall prevail. All rights reserved. Rich X Search